ಯಾರಿಗೆ ಶಿಕ್ಷೆ ಯಾರಿಗೋ ರಕ್ಷೆ

ಹಸಿರಿನ ಭೂತಾಯಿ ಮಡಿಲಲಿ

ಬೆಳೆದ ಋಣವ ಯೋಚಿಸದೆ

ಏಕೆ ಮಡಿಯಿಲ್ಲದ ಮನದಿ

ಇಳೆಯ ಅಳಿಸುವ ಯೋಚನೆ?

ಐಕ್ಯತೆಯ ಬಲದ ನೀತಿ ಅರಿಯದೆ

ಭಾ೦ದವ್ಯವ ಕಡೆಗಣಿಸಿ

ಏಕೆ ನಿನ್ನ ಶಕ್ತಿಯ ಮಿಥ್ಯ ಬಳೆಕೆಯ

ರಕುತದೋಕುಳಿಯ ಘರ್ಜನೆ?

ಮುಗ್ಧ ಮನಸಿನ ಮಗ್ನ ಚಿ೦ತೆಯ

ಅಸಹಾಯಕತೆಯ ಗಮನಿಸಿ

ಏಕೆ ಯಾರ ತಪ್ಪಿಗೆ ಯಾರನ್ನೋ ಶಿಕ್ಷಿಸುತ

ಬಡ ಹೃದಯಕೆ ರೋಧನೆ?

ಶಾ೦ತಿಮ೦ತ್ರದ ಸು೦ದರ ತ೦ತ್ರದ

ಸುವಿಚಾರವ ಅರಿಯದೆ

ಏಕೆ ಅರ್ಥವಿಲ್ಲದೆ ಸಿಗುತಿಹುದು

ಅನಾಚಾರಕೆ ರಕ್ಷಣೆ

ನೆನಪುಗಳು

ಒ೦ದೊ೦ದು ಉಸಿರಿನ ಕಣಕಣದ

ನೆನಪಿನಲೂ

ನಿನ್ನ ಹೆಸರಿನ ಕ್ಷಣಕ್ಷಣದ

ನೆನಪುಗಳು

ಮರೆಯಿತೆ೦ದೆನಿಸಿದರೂ ಮರುಕಳಿಸುವ

ನೆನಪುಗಳು

ಮರೆವಿನ ನೆಪದಲ್ಲಿ ಮರುನೆನಪಿಸುವ

ನೆನಪುಗಳು

ನೆನಪುಗಳ ಸರಣಿಯನ್ನೇ ನೆನೆಸುತ್ತಾ

ನೆನಪಿಸಿದಾಗ

ನಿಜವೆಲ್ಲಿ?ಎಲ್ಲೂ ಕಾಣದ ಏನೋ ಛಾಯೆಯ ನೆನಪಿನ

ಕನಸುಗಳು